Започна 73 „Ол стар“ викенд во НБА лигата, а за прв пат по 39 години во Индијанаполис. И тоа со изненадување во конкуренција на „дебитантите“, бидејќи Виктор Вембањама, според сите најдобриот „дебитант“ во сезоната, не стана МВП на „Ѕвезда во подем“, туку таа заслужена награда му припадна на кошаркарот на Индијана, Бенедикт Матурин.

На натпреварите на „Ѕвездите кои доаѓаат“ играчите беа измешани во четири екипи чии тренери беа Џејлен Роуз, Детлеф Шремф, Пау Гасол и Тамика Кечингс, а се играше по системот: во полуфиналето „кој прв до 40 поени“, во финалето „кој прв до 25“. Се започна со баскет мечевите „3х3“.

За тимот на Пау Гасол настапи првиот кандидат за дебитант на годината, Виктор Вембањама, а тимот на легендарниот Шпанец веќе беше поразен во полуфиналето од тимот на Шремф со 41:36.

Подоцна, во финалниот меч, „Тим Роуз“ победи против „Тим Шремф“ со 26:13 и го освои турнирот, а престижното признание МВП го освои играчот кој беше домаќин на Ол-стар викендот, Индијана Пејсерс – Бенедикт Матурин.

Канаѓанецот одигра одлична партија во полуфиналниот меч и постигна 18 од 40-те поени на својот тим, трасирајќи го патот до освојување на вредната индивидуална награда.

A #PaniniRisingStars-leading 22 points from @BennMathurin helps Team Jalen win the 🏆

He wins #PaniniRisingStars MVP at his home arena! pic.twitter.com/wslG8NW31t

— #NBAAllStar (@NBAAllStar) February 17, 2024