Во Катар се отвори истрага за безбедност при работа по смртта на работник кој починал за време на тренинг на Светското првенство.

Од самиот почеток Катар е критикуван за односот кон работниците, а ова е само уште еден дополнителен аргумент на критичарите. Веста за смртта ја потврди извршниот директор на СП Насер Ал Катер за „Ројтерс“. Тој не откри детали и потенцираше дека смртта е природен дел од животот.

„Смртта е дел од животот, без разлика дали ќе ви се случи додека сте на работа или дома. Ние сме на средина од Мундијалот и имаме успешно Светско првенство. И вие сега сакате да зборуваме за ова?“, гласеше краткото обраќање на Насер Ал Кетер.

Меѓутоа подоцна од Катар најавија дека ако истрагата покаже дека безбедносните протоколи не биле запазени, компанијата ќе биде казнета.