Девојчето кое беше тешко повредено во масакрот во основното училиште „Владислав Рибникар“ на 3 мај, почина утрово на Универзитетската детска клиника, соопшти српското Министерството за здравство.

Девојчето беше тешко рането во главата и почина по 12 дена борба за живот, и покрај итната хируршка интервенција и сите преземени мерки за интензивно лекување.

Девојчето е десеттата жртва на страотниот училишен масакр во Белград, кој го изврши 13-годишниот Коста Кецмановиќ, ученик во истото училиште. Тој во нападот со оружје што го зел од неговиот татко, уби уште осуммина врсници и соученици, како и школскиот чувар, а рани шестмина.