Победа ќе биде да се заврши сезоната во Серија А
Италијанската Серија А е во паника по позитивниот тест на корона на Кристијано Роналдо, но и поради зголемениот број на заразени играчи откако започна новата сезона.
– Ескалацијата на заразените со коронавирус во последните неколку недели не е изненадување. Се што можеме да направиме е да преземеме максимални мерки на заштита, но не смееме да запреме. Првата причина за ова е од економска природа бидејќи фудбалот е важна индустрија. Исто така постојат и социјални потреби. Поради тоа, вистинска победа ќе биде да се заврши сезоната во Серија А – изјави капитенот на Јувентус, Џорџо Кјелини.
Кјелини се огласи веднаш откако се дозна дека неговиот клупски колега, Кристијано Роналдо е позитивен на ковид-19.
– Разговарав со него и добро се чувствува. Ќе се врати кога ќе биде подготвен. Ние не сме загрижени, но знаеме дека во следните неколку месеци ќе биде многу тешко за сите – додава Кјелини.