По обвинувањата за силување: Педесетина уметници му искажаа поддршка на Жерар Депардје, меѓу кои и Карла Бруни
Жерар Депардје доби поддршка, во форма на есеј, од 50 француски изведувачи, писатели и продуценти во врска со обвинувањата дека актерот извршил силување и сексуален напад и дека се однесувал недолично кон жените во текот на неговата кариера.
Есејот е објавен во конзервативниот весник „Фигаро“, а го потпишаа личности меѓу кои и поранешната прва дама и пејачка Карла Бруни, поранешната партнерка на Депардје, Карол Буске и актерите Пјер Ришар, Шарлот Рамплинг и Викторија Абрил, објави новинската агенциjа „Асошиејтед прес“.
Во 2020 година, против Депардје беше покренато беше покренато прелиминарно обвинение за силување и сексуален напад врз основа на сведочењето на актерката Шарлот Арнолд. Неколку други жени го обвинија за вознемирување, допирање или сексуален напад, но актерот ги негираше обвинувањата.
Бранителите на правата на жртвите на сексуална злоупотреба го изразија своето незадоволство од поддршката за познатиот актер. Во неодамна објавениот документарен филм, 16 жени излегоа со обвинувања за сексуална злоупотреба против Депардје.