ПМФЛ: Струга Трим Лум одбраната на титулата ја започнува против Гостивар
Новата сезона во Првата македонска фудбалска лига во која Струга Трим Лум ќе влезе како шампион ќе ја започне со домашниот натпревар против Гостивар.
Играчите на Шпетим Дуро останаа единствените летово и натаму да ја претставуваат нашата земја на меѓународната сцена, за четири дена во Скопје ги очекува првиот натпревар од третото квалификациско коло во Конференциската лига против Есперанж од Луксембург.
Останува да се види дали Дуро ќе се одлучи да стартува со најдобрите против Гостивар или ќе ги чува силите за двомечот со Луксембург кој може да му ги отвори вратите за плеј-оф, но и за групната фаза во Конференциската лига, што би бил огромен успех за клубот формиран во 2015 година.
Стружани ги повикуваат своите навивачи да дојдат во 17.00 часот да ја дадат поддршката за првиот прволигашки во новата сезона. Влезот е бесплатен за сите љубители на фудбалот и спортот.
ПМФЛ
1. коло, двојки –
Денеска (17.00 часот)
Брегалница Штип – Силекс
Брера Струмица – Вардар
Струга Трим Лум – Гостивар
Тиквеш – Македонија ЃП
Воска Спорт – Шкендија
Понеделник (17.00 часот)
Работнички – Шкупи
