ПМФЛ: Струга не дозволи изненадување против Тиквеш
Македонскиот шампион Струга Трим Лум по елиминацијата од европските квалификации славеше во домашното првенство во рамките од 6. коло.
Струга денес на свој терен го пречека Тиквеш и забележа убедлива победа од 3:1. Стружани лесно ја оправдаа фаворитската улога и немаа многу проблеми со гостите од Кавадарци.
Најголемите возбудувања ги видовме во првото полувреме кога се постигнаа сите четири гола. Во првиот половина час Струга дојде до убедливи 3:0 со головите Бесарт Ибраими во 21. и 31. минута, претходно резултатот го отвори Марјан Радески во 15. минтуа.
Шест минути по голот на Ибраими, Ибиши го постигна утешниот гол за Тиквеш. Во таа минута исклучување заработи и Вареловски, па работата на гостинскиот состав беше дополнително отежната.
Исклучување во вториот дел имаше и во домашните редови, Малиќи во 59. минута предвреме го заврши натпреварот. Ибраими можеше и до хет-трик, но не реализираше пенал во 63. минута.