Пенс престојувал во хотелот на Трамп за време на официјална посета – Го обвинуваат за КОРУПЦИЈА, а еве како тој се правда (ВИДЕО)
Американскиот потпретседател, Мајкл Пенс кој е во посета на Ирска, одлучил да престојува во голф клубот кој припаѓа на претседателот на САД, Доналд Трамп, така што во Вашингтон изби полемика за употребата на државните пари.
Голф клубот и хотел на Трамп, се наоѓа во Дунбег, на западниот брег на Ирска, 300 километри од Даблин, каде Пенс одржува и официјални состаноци.
Шефот на кабинет на Пенс, Марк Шорт реагирајќи на критиките на демократите, рекол дека Пенс одлучил таму да престојува на „сугестија“ на американскиот претседател, а не по „наредба“.
Сите трошоци за официјалните патувања на претседателот и подпретседателот на САД ги плаќа државата.
Mike Pence staying at Trump golf resort in Ireland despite all meetings happening on other side of country https://t.co/LsqnylDzxj
— Independent US (@IndyUSA) September 3, 2019
Меѓутоа, Шорт рекол дека Пенс сам ќе ги плати трошоците за патувањето и престојот на неговото семејство кое патува со него.
Шорт додал дека фамилијата на Пенс потекнува од Дунбег и дека одлуката за престој во голф клубот на Трамп е донесена од практични причини.
Демократите ја критикувале одлуката на Пенс, оценувајќи дека давање на државни пари на Трамп, за престој во неговиот хотел, претставува корупција.
Погледнете го хотелот на Трамп:
