Османи го копира Рама: „МКарта“ копија на „Подготвени за Албанија“

Фото: Слободен печат/Драган Митрески

Проектот „МКарта“, кој завчера го презентираше министерот за надворешни работи Бујар Османи, е копија на проектот што на 18 мај годинава го промовираше премиерот на Албанија Еди Рама под наслов „Подготвени за Албанија“ .

Овој проект, како што објасни Османи, има за цел да ги интегрира успешните луѓе во дијаспората во општеството на Северна Македонија.

– Постојат научници, спортисти, уметници, бизнисмени кои живеат и работат во различни земји во светот, но кои имаат потенцијал да ја развијат нашата земја. Одливот на мозоци може да го претвориме во циркулација на мозокот – истакна Османи.

Според Османи, „МКарта“ ќе биде влезница за нашата диаспора за воспоставување деловни активности, поддршка од институциите за нивниот развој, како и финансиска помош за нивни инвестиции во земјава. Комисиија при МНР ќе прави проценка на лицата на кои ќе им биде дадена ова специјална карта, врз основа на предлози од нашите дипломатски конзуларни преставништва.

Сличен проект на 18 мај годинава промовираше и премиерот на Албанија Еди Рама. Неговиот проект беше отворен повик до сите одлични студенти во странство да помогнат во работата на неговиот кабинет. Рама изјавил дека е многу охрабрен од бројот на заинтересираните за овој проект.

Видео на денот