Многумина од нас го прават оризот на начин што го ставаат во зовриена вода и го варат додека да испари водата, а зрната да омекнат.

Но, како што велат новите сознанија, вака подготвениот ориз може да предизвика низа здравствени проблеми бидејќи со варењето се ослободуваат токсини кои дошле во допир со него во процесот на одгледување и преработка.

Меѓу нив е и арсенот, кој го има во почвите каде оризот успева. Затоа, како и за многу други житарици, и за оризот важи правилото дека треба да откисне во вода преку ноќ и потоа да се исплакне добро. На овој начин ќе се измијат најголемиот број токсини и варењето на оризот нема да биде толку ризично.

Всушност, професорот по биологија на Универзитетот Квинс во Белфаст направил експеримент со кој покажал дека на овој начин концентрацијата на отровни материи се намалува и до 80%.