Јужноафриканката Татјана Шонмакер го освои златниот рекорд на трката на 200 метри градно притоа поставувајќи нов светски рекорд.
24-годишната пливачка уште во квалификациите навести дека е подготвена за голем резултат, а во финалето делницата од 200 метри ја исплива за 2:18.95 минути со што го собори светскиот рекорд на Рике Пердерсен од 2013 година. Шонмакер стана првата жена во историјата која оваа делница ја исплива под 2:19 минути, а светскиот рекорд го подобри за 16 стотинки. На победничкиот пиедестал се најдоа уште две Американки, сребрената Лили Кинг и бронзената Ени Лазор.

That’s Incredible! #RSA Tatjana Shoenmaker set a new World Record touching home in 2:18.95!
Congratulations to the new Olympic Champion of the 200m Breast #swimming pic.twitter.com/eibECdJ68h

— FINA (@fina1908) July 30, 2021

Олимписки рекорд пак постави австралиската пливачка на 100 метри, Ема Мекион. Таа до златниот медал на трката на 100 метри слободно триумфира со време од 51.96 секунди и зад себе ги остави Бернадет Сиобан и Кејт Кемпбел.
Олимписки рекорд беше соборен и во финалната трка на 200 метри грбно во машка конкуренција. Најдобар резултат во историјата на Олимписките игри постави Русинот Евгени Рилов со 1:53.27 минути кој дојде до второто олимписко злато, откако прертходно победи и на трката на 100 метри грбно. Сребрениот медал му припадна на Американецот Рајан Марфи, додека брозаната ја освои Британецот Лук Гринбанк.

Another record! #ROC Evgeny Rylov claims Gold Medal and a new Olympic Record ⏱1:53.27 in the 200m Backstroke!! #Swimming pic.twitter.com/4tANPclWWM

— FINA (@fina1908) July 30, 2021

Кинезот Шун Ванг стана олимписки шампион на 200 метри мешано. Тој до златниот медал дојде со нов рекорд на Азија од 1:55.00 минути, а второто место го освои Британецот Данкан Скот, додека трет беше Џереми Деспланше од Швајцарија.