Официјално: Конте не е повеќе тренер на Интер
Вечерва миланскиот клуб потврди дека ја прекинува соработката со досегашниот тренер Антонио Конте. Интер му се заблагодарува на човекот кој ја водеше екипата до титулата оваа сезона во италијанската Серија А.
Според новинарот Фабрицио Романо, главната причина за разделбата била тоа што сопствениците на клубот не сакале да ги слушаат желбите на италијанскиот тренер околу засилувања.
Се очекува Конте да добие седум милиони евра за последната година од договорот. Шпекулациите велат дека нов тренер на „нераѕурите“ ќе биде Симоне Инзаги кој досега го водеше Лацио.
Конте имаше желба да ангажира неколку нови играчи и направи јасен проект за следната сезона, но проблем е тоа што Интер нема доволно пари и ќе мора да продава играчи вредни барем 80 милиони евра за да ги пополни „дупките“.
Не се знае кој ќе биде новиот клуб на Конте, можно е да се пресели во Премиер лигата и седне на клупата на Тотенхем чија клупа остана „празна“ по заминувањето на Жозе Мурињо.