Официјално: Мајк Тајсон ќе ги вкрсти ракавиците со Џејк Пол пред 80.000 гледачи
Од САД пристигна потврда, договорен е боксерски меч во кој во јули ќе се соочат Мајк Тајсон и Џејк Пол.
Борбата помеѓу Тајсон и Пол ќе се одржи на стадионот на НФЛ тимот Далас Каубојс кој може да собере 80.000 гледачи и се очекува да биде полн. Познат е и датумот 20. јули, а истата ќе биде во организација на „Нетфликс“.
It’s JAKE PAUL vs. MIKE TYSON — yes, really! — in a LIVE BOXING event at AT&T Stadium you won’t want to miss. Airing live on Netflix Saturday, July 20 #PaulTyson pic.twitter.com/ULXVeCYeH6
— Netflix (@netflix) March 7, 2024
Очекувањата се двајцата борци да поделат по најмалку 100 милиони долари. Тајсон е поранешен светски шампион и еден од најпознатите во историјата на овој спорт. Во професионалната кариера од 1985 до 2005 година оствари скор од 50 победи и шест порази, а во рингот се врати во 2020 година кога неговата борба против Рој Џонс заврши нерешено по осум рунди.
Од друга страна 27-годишниот Пол се прослави како јутјубер и професионално боксува од 2020 година. Во десет борби досега запиша девет победи, единствениот пораз му го нанесе Томи Фјури.
Додека Тајсон на социјалните мрежи само кратко објави дека ќе се врати во рингот, Пол даде свое опширно мислење за борбата. Тој наведе дека ова ќе биде најголема борба на 21-век и дека судирот со „најопасниот“ човек на планетата му е уште еден чекор напред кон титулата светски шампион.
„Време е да го испратам Ајрон Мајк на спиење“, заклучи самоуверениот Пол.
Promotion promotion promotion if I’m being honest it don’t need that.. The biggest fight of the 21st century, in the biggest NFL stadium in the US, broadcast live, on the biggest streaming platform in the world…that’s the MVP way. Whether you’re tuning in on Netflix or showing… pic.twitter.com/DQLKMnyWfO
— Jake Paul (@jakepaul) March 7, 2024
