Официјално: Кјелини потпиша нов договор со Јувентус
Капитенот на Јувентус и репрезентацијата на Италија ја продолжи соработката со „Старата дама“ која ќе трае до 2023 година.
Искусниот дефанзивец Џорџо Кјелини е играч на Јувентус од 2005 година и уште две години ќе биде капитен на клубот од Торино.
Тој имаше клучен придонес летово во големиот успех на неговата репрезентација на патот кон титулата на Европското првенство. А се очекува со неговите репрезентативни колеги да учествува и на следниот Мундијал кој ќе се одржи во 2022 година.
Севкупно за неговата екипа има 404 настапи и запиша 27 голови. Во кариерата ги бранеше уште боите на Ливорно и Фиорентина, беше дел и од Рома, но без минутажа.
Со Јувентус успеа деветпати да ја освои Серија А, и по петпати Купот и Суперкупот на Италија.
OFFICIAL | @chiellini has renewed his Juventus contract! Ⓒ✍️⚪️⚫️ #Chiellini2023
— JuventusFC (@juventusfcen) August 2, 2021