Официјално: Ферстапен го продолжи договорот со „Ред Бул“
Холанѓанецот ќе заработува помеѓу 40 и 50 милиони евра годишно, што е еден од најголемите договори во историјата на Формула 1.
Актуелниот Ф1 шампион, Макс Ферстапен го продолжи договорот со „Ред Бул“ кој ќе трае до 2028 година.
Веќе имаше договор до 2023 година, а од тимот официјално соопштија дека за уште пет години е продолжена соработката.
– Го сакам овој тим, а минатата сезона беше едноставно неверојатна. Откако сме заедно, од 2016 година, наша цел беше да ја освоиме титулата, а сега тоа го направивме. Сега целта е долгорочно да бидеме број еден – вели Ферстапен.
Директорот на „Ред Бул“, Кристијан Хорнер изјави дека целта на Ферстапен е да ја одбрани титулата и дека овој договор покажува дека холандскиот возач е дел од долгорочните планови на тимот.
MV1 🤝 2028 💪 The World Champion is staying right here 🦁 @Max33Verstappen 🇳🇱 #GivesYouWings
— Oracle Red Bull Racing (@redbullracing) March 3, 2022