Вардар во полуфиналето на ракометниот фајнал фор турнирот во Келн ќе игра против Барселона, а еден од клучните фактори кои ќе го дадат финалистот е играта во одбраната.

– Мислам дека одбраната ќе биде клучен фактор за дуелот со Вардар. Доколку одиграме на очекуваното ниво, а голманите ни овозможат контра напади, имаме добри шанси да го победиме Вардар – вели специјалистот за одбрана во Барселона, Тиаго Петруш Гонкалвеш Дос Сантос.

Екипата на Вардар која трета година по ред е дел од завршниот турнир во Келн е сериозен противник кој заслужува максимален респект. Згора на тоа, во 2017 година, Вардар на патот кон титулата, во полуфиналето ја совлада токму Барселона, а во финалето беше совладан и ПСЖ.

– Вардар заслужува голем респект. Станува збор за тим што е микс од сила и од интелигенција, што го прави многу опасен за противниците вели Петруш во интервјуто за официјалниот сајт на ЕХФ.