Обрадовиќ нов тренер на Црвена звезда
Довчерашниот тренер на Монако, Саша Обрадовиќ е наследникот на Драган Шакота на клупата на „црвено-белите“.
Поранешниот кошаркар на Црвена звезда, Саша Обрадовиќ, се враќа во клубот во кој ја започна кариерата, но сега во поинаква улога, како тренер.
– Одлуката да го напуштам Монако беше тешка, но не можев да одолеам на предизвикот и понудата на Црвена звезда, а тоа е натпреварување на највисоко ниво во Евролигата и да работам во родниот град – изјави Обрадовиќ.
#JeepELITE #EuroLeague Sasa Obradovic quitte officiellement Monaco pour rejoindre l’Etoile Rouge de Belgrade. https://t.co/doBaCfUDVk
— DynamicSlashers (@DynamicSlashers) June 8, 2020
Тој доаѓа на местото на Драган Шакота кој денеска го раскина договорот во „црвено-белите“.
Обрадовиќ кој е поранешен репрезентативец на Србија, во тренерската кариера ги предводеше екипите на Келн, Киев, Туров, Доњецк, Алба Берлин, Локомотив Кубан и Монако.
