ОБОЈ ГО УМОТ: Дизајнерката Ирина Тошева ја претстави летната колекција- Слободен печат
ЕспресоМода

ОБОЈ ГО УМОТ: Дизајнерката Ирина Тошева ја претстави летната колекција

Во годината кога гласно се зборува за важноста на менталното здравје, есенцијалната улога на уметноста во емоционална благосостојба на секоја индивидуа е инспирацијата за летната колекција.

Преку артистички едиторијал со моќна порака, дизајнерката Ирина Тошева ја претстави летната колекција „Eunoia“.

Во годината кога гласно се зборува за важноста на менталното здравје, есенцијалната улога на уметноста во емоционална благосостојба на секоја индивидуа е инспирацијата за летната колекција.

Новата модна приказна на дизајнерката е обоена во пастелни нијанси, лесни и плисирани материјали и лелеави кроеви, оживеана во сликарско ателје од моделката Фјола Брестовци, пред објективот на Александра Костадиновска. Шминката е на Виктор Мирчевски, фризурата на Дарко Петковски (Hairhouse), чевлите се од marwell.mk.

„Креативниот процес на создавање уметнички дела ја подобрува физичката, ментална и емоционалната благосостојба, независно на возраста. Со создавање на уметност врз основа на сопствените чувства, мисли, идеи и фантазии, наместо фокусирање на уметничките вештини може да се прејде преку најразлични емоции како трауми, страв, анксиозност, стрес, бес. Затоа, земи ја четката и обој го „умот“, изјави Тошева.

Колекцијата од денес е достапна во ателјето на дизајнерката.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close