Новиот изглед на Меган Маркл: Некои шпекулираат дека е оперирана, а други тврдат дека ја копира Кејт Мидлтон
Меган Маркл беше во голема мера надвор од очите на јавноста во последниве месеци, што доведе многумина да шпекулираат дека можеби имала некои козметички процедури.
Војвотката од Сасекс го направи своето прво појавување откако објави дека нема да присуствува на крунисувањето на кралот Чарлс, а некои велат дека нејзиниот прекрасен нов изглед е „сомнително сличен“ на изгледот кој принцезата Кетрин, попозната како Кејт Мидлтон, го негува со години.
Маркл дебитираше со елегантно исправена коса, додека се појави преку видео врска на „TED Talk“ на нејзиниот пријател фотограф Мисан Хариман во текот на викендот, што предизвика шпекулации меѓу публиката која сето тоа го следеше на социјалните мрежи.
„Тажната Меган Маркл сака да биде Кејт Мидлтон“, напиша еден корисник на Твитер, прашувајќи се дали поранешната актерка се променила повеќе од косата.
Друг корисник тврдел дека Маркл ја променила бојата на очите за да личи на нејзината 41-годишна снаа, велејќи : „Боже. Меган Маркл, која е љубоморна и опседната со принцезата од Велс, носи контактни леќи за да изгледа како Кејт“.
Во меѓувреме, многубројните поддржувачи на Маркл масовно излегоа со коментари за нејзиниот изглед.
„Меган немаше пластична операција“, изјавил еден нејзин поддржувач. „Се работи за осветлување, агли и контури. И зацрвстувањето на косата е нешто што го прават многу црни жени. Тоа нема никаква врска со „бришење на сите траги од потекло. Исто така, белите луѓе треба да замолчат за косата на црните жени“.