Нова студија: Гените на неандерталецот се „виновни“ за големината на вашиот нос
Една нова студија на меѓународен тим на истражувачи од Универзитетски Колеџ во Лондон, откри дека дел од гените одговорни за назалната анатомија можеби се наследени од нашите братучеди-неандерталци., пишува „Сајенс Алерт“.
Анализата опфатила индивидуи од мешано европско, домородно американско и африканско потекло, кои одговараат на регионите на човечкиот геном, со структурите на лицето на одредени поединци. Овие совпаѓања потоа биле споредени со други студии за човечкиот и неандерталскиот геном.
Humans inherited Neanderthal DNA that affects the shape of our noses, according to a new study by an international team co-led by Dr Kaustubh Adhikari @kaustubhad & Prof Andres Ruiz Linares @uclbiosciences @UCLLifeSciences https://t.co/rqI8jZEE3l
— UCL News (@uclnews) May 9, 2023
Истражувачите откриле вкупно 26 генетски региони кои биле силно поврзани со обликот на човечкото лице. Оние со потекло од Индијанците имаат тенденција да поседуваат ген наследен од неандерталците наречен „ATF3“. Иако, главно е познат по својата улога за регенерација на нервното ткиво, регулиран со друг ген, тој може да влијае на обликот на лицето. Заедно со доказите кои покажуваат дека генот „ATF3“ станува активен додека се формираат нашите лица, истражувачите сугерираат дека неговото присуство може да направи значителна разлика во растот на носот. Се забележало дека генот „ATF3“ е „суштински отсутен“ кај индивидуите од европско потекло. Додека пак, кај испитаниците од Латинска Аметика се забележало поголемо влијание на генот. Научниците мислат дека благодарение на овој конкретен ген индивидуите имаат предност за преживување во одредени средини.
Неодамнешните студии покажуваат дека неандерталците и праисториските луѓе се репродуцирале во Европа и Азија. Некои од споделените гени од овие вкрстувања сè уште ги носиме во нас, а неколку се дури и поврзани со нашите здравствени придобивки, како што се побезбедни раѓања и подобрена отпорност на вируси или инфекции на кожата и крвта. Истражувачите велат дека ова откритие е второ откритие за ДНК на древните луѓе, што е поразлична од современиот човек, а влијае на обликот на нашето лице.