Нова Ф1 титула за Хамилтон, една помалку зад легендарниот Шуми! (ФОТО+ВИДЕО)
Луис Хамилтон го освои второто место на Големата награда на САД, што му беше доволно за освојување на нова титула светски шампион.
Возачот на Мерцедес, Луис Хамилтон по шести пат е светски шампион на светот во Формула 1. Во Остин триумфираше неговиот клупски колега Валтери Ботас, а до победата дојде откако во финишот од трката го престигна токму Британецот.
What a day for @LewisHamilton in Texas
A six-time F1 world champion ?
Only one driver – the great Michael Schumacher – has more#USGP ?? #F1 pic.twitter.com/WIOCHEVXhw
— Formula 1 (@F1) November 3, 2019
За Финецот ова е вкупно седма победа во кариерата, а на победничкиот подиум после денешната трка се најде уште Макс Ферстапен.
Возачот на Ферари, Шарл Леклер заврши како четвртопласиран, а уште една трка за заборав имаше Себастојан Фетел кој не успеа ниту да ја заврши трката.
Хамилтон уште еднаш ја потврди доминацијата во Ф1 светот, оваа сезона досега триумфираше на трките во Бахреин, Кина, Шпанија, Монако, Канада, Франција, Велика Британија, Унгарија, Русија и Мексико.
Selected few ? Class drivers #F1 @LewisHamilton #WorldChamp2019 ??? #USGP pic.twitter.com/az3ts6hMCA
— Sean Amadi (@Sean_RMW) November 3, 2019
До крајот на сезоната 2019 останаа уште две трки (Бразил и Абу Даби), во генералниот пласман Хамилтон има 381 бод сигурен на првото место, а од второто до петтото место редоследно се наоѓаат Ботас (314), Леклер (249), Ферстапен (235) и Себастијан Фетел (230).
На вечната листа Хамилтон е на второто место по освоени шампионски титули (6), само една помалку зад водечкиот Михаел Шумахер.