Нов музички проект од Аудиокултура
Со настап во живо на дуетот Алембик во чиј состав членуваат Ива Дамјановски и Виктор Танасковски, официјално започна реализација на нов музички концепт во организација на Аудиокултура насловен “Крај Вардарот сесии” во Аудиокултура.
Основна идеја на проектот е промоција на музиката и квалитетниот звук во простор кој високо ги надминува стандардните подиуми како концертна сала и фестивалска сцена. Поопфатната цел на овој проект е креирање и документирање на високо квалитетен аудио материјал кој по завршување на проектот ќе биде заокружен со издавање на винил запис.
За таа цел, Аудиокултура на едно место ќе обедини реномирани музички имиња, но и млади уметници кои сериозно зачекориле кон освојување на домашните и светските сцени.
Вкупно 11 настапи во живо чија звучна репродукција ќе биде реализирана преку системите од teoharov audio, ќе бидат дел од креативен проект преку кој ќе се документира и со заедничко партнерство на Аудиокултура и Божиновски часовници и накит ќе се издаде нов, врвен музички материјал на винил “Најдоброто од Крај Вардарот сесии во Аудиокултура”.
Секој од овие 11 настапи носи дополнителна и секогаш различна специфика овозможена од поддржувачи кои, секој на свој начин, во потполна усогласеност со концептот на Аудиокултура, ја покажуваат својата длабока почит кон музиката и оние кои навистина уживаат во неа.
Издавач на оваа плоча ќе биде PMG Records, во партнерство со Аудиокултура и Божиновски часовници и накит.
“Крај Вардарот сесии” во Аудиокултура ќе се организираат еднаш во месецот и може да се посетат единствено со претходна резервација