Веќе некое време кружат гласини дека компанијата „HMD Global“ планира да вратат во продажба уште два добропознати класични модели на „Nokia“.

Како што претходно направија со легендарните модели „3310“ и „8110“, веројатно „Nokia“ подготвува „модерна верзија“ на препознатливиот модел „6300“ кој важеше за еден од ретките телефони со не`рѓосувачки челик, кој воедно беше многу популарен меѓу деловните луѓе.

Вториот телефон не е директно модернизирана копија, но би требало да биде инспирација од некогашната серија „Nokia 8000“ позната по механизмот на лизгање и исклучително високиот квалитет на изработка.

Компанијата „Nokia“ како да си „играат“ со модернизација на своите стари модели докажувајќи дека со мали измени можат сосема нормално да функционираат и во 2020 година. Тие слично направија и со моделот„8910i“ кој имаше куќиште од титаниум, „8800 Gold Arte“ беше „премачкан“ со 18-каратно злато, додека „Sapphire Arte“ имаше вградено сафир во џојстикот.

Сè уште не е познато дали новите телефони ќе имаат оперативен систем „KaiOS“, како што е случајот со сегашните модели „8110“, „2720 Flip“ и „800 Tough“. Познато е само дека новите модернизирани верзии на култните модели на „Nokia 6300“ и „Nokia 8000“ ќе користат „4G LTE“ технологија.

Светот го очекува нивното претставување и промоција за неколку недели од сега.