Ретко прво издание на „Хобитот“ од Џ.Р.Р. Толкин, откриено при чистење на куќа во Бристол, е продадено на аукција за 43.000 фунти (околу 49.500 евра), пишува „Гардијан“.

Тоа е една од 1.500 примероци отпечатени во септември 1937 година, објави аукциската куќа „Аукционум“. Копијата е продадена на приватен колекционер во Велика Британија на аукција во градот Бат.

Кејтлин Рајли, специјалист за книги на „Аукционум“, рече дека „тоа е типична приказна за аукција“.

„Секој сонува да најде скриен редок предмет, и еве нè“, рекла таа.

Таа нагласи дека книгата многу лесно можела да заврши на депонија за време на чистењето на куќата. Цената што „Хобитот“ конечно ја постигна на аукцијата „ја покажува чистата љубов кон делото на Толкин“.

„Иако е напишана пред речиси 90 години, неверојатно е колку е релевантна и популарна сè уште“, додала таа.

Изданието е пронајдено во семејната библиотека на Хуберт Пристли, познат ботаничар од 1930-тите, брат на истражувачот на Антарктикот, геологот Рејмонд Едвард Пристли.