Во новите судски документи, Анџелина Џоли откри колку емотивно ѝ бил тежок разводот од Бред Пит, а исто така призна дека бара 33.000 долари од актерот за да ги покрие судските трошоци во спорот за францускиот имот Шато Миравал.

Во поднесокот до судот во Лос Анџелес, Анџелина Џоли го опишала периодот на разделба како исклучително тежок и трауматичен, не само за неа, туку и за нивните деца. Актерката истакнала дека таа и нејзините деца – Медокс (24), Пакс (21), Захара (20), Шајло (19) и близнаците Нокс и Вивиен (17) – никогаш повеќе не стапнале во Миравал, бидејќи тоа место ги потсетува на болните настани што довеле до распад на нивниот брак.

По поднесувањето на барањето за развод во 2016 година, Џоли му ја даде на Бред Пит контролата и целосното користење на семејните домови во Лос Анџелес и Франција без никаква компензација, надевајќи се дека тоа ќе ги смири нивните односи.

„Миравал беше едно од нашите први големи заеднички инвестирања, центарот на семејниот живот. Таму се венчавме, таму поминав дел од бременоста, а од болницата ги донесовме нашите близнаци дома. Ненадејното прекинување со тоа место и спомените беше многу тешко, особено за децата“, навела таа во својата изјава.

Актерката открила дека поради грижата за децата одбивала деловни понуди речиси две години за да се фокусира на нивната благосостојба, што ја довело во тешка финансиска состојба. Не можела да си дозволи да купи куќа во Лос Анџелес, па, тврди таа, Пит се согласил да ѝ позајми пари, и тоа – со камата. Пит, од друга страна, поднесе тужба во 2022 година тврдејќи дека Анџелина без негова дозвола го продала својот удел во Миравал на компанијата „Столи груп“. Џоли му одговорила на тоа дека не била потребна негова дозвола и дека продажбата е неопходна бидејќи сите нејзини средства биле поврзани со имотот.

Сега таа бара од судот Пит да ѝ плати 33.000 долари, износот што го потрошила на адвокатите бранејќи се од неговото барање да му ги предаде приватните пораки поврзани со спорот. Нејзините адвокати тврдат дека Пит одбил да го повлече барањето, и покрај повеќекратните предупредувања дека, ако судот ја одбие нејзината молба, ќе бара надомест за тие трошоци. Во своите поднесоци, Пит наведува дека му се потребни пораките поради наводната несоработка на „Столи груп“ во истражната постапка, додека извори блиски до актерот тврдат дека неговиот мотив е да го заштити идното наследство на своите деца, иако во моментов е отуѓен од нив.

Адвокатот на Шајло Џоли проговори за промената на нејзиното презиме: Одлуката дојде по „болните настани“

Анџелина Џоли се сели во странство: Го продава својот имот во Лос Анџелес

Дали Бред Пит ја нарече Анџелина Џоли „грешка“?