Навивачите на Интер му подготвуваат пеколен пречек на Ромелу Лукаку
Ромелу Лукаку ќе добие непријателски пречек на стадионот „Џузепе Меаца“ во Милано кога со својата Рома ќе игра против Интер во Серија А на крајот на месецот, односно на 29 октомври.
Белгискиот напаѓач беше херој на навивачите на Интер, постигна 78 гола на 123 натпревари, со нив ја освои титулата во Серија А, играше финале во Лигата на шампионите и Лигата на Европа, а потоа поради својата одлука да се пресели во еден од најголемите ривали на Интер, стана човек кој повеќе не сакаат да го видат.
Беше откриено кога Лукаку со Челси водеше разговори за нова позајмица во Интер, преговарал и со Јувентус. Го означија како предавник и му порачаа на клубот да ги прекине преговорите со него.
Потоа влезе во преговори со Рома, клубовите се договорија и сега на шест настапи за римскиот клуб постигна четири гола.
– Ќе го заокружиме 29 октомври со „црвено“ во календарите за да бидеме спремни да слушне колку сме згрозени, бидејќи ни го сврте грбот на најсрамен можен начин. Покажа дека е мал човек, бидејќи не се држел до зборовите. Ние те браневме со мечеви, а ти ни возврати со тоа што ни го сврте грбот. Пред натпреварот против Рома ќе бидат поделени 50.000 свирчиња кои ќе се користат секогаш кога топката ќе биде допрена од тој кој го предаде нашиот дрес. Сите да покажеме како треба да се постапува со некој што се покажал недостоен да го носи овој дрес – стои во соопштението за медиумите на навивачите на Интер.