НАСА го одложи првото слетување на луѓе на Месечината по повеќе од 50 години
Националната аеронаутичко-вселенска управа (НАСА) денеска соопшти дека првото слетување на луѓе на Месечината по повеќе од 50 години ќе биде извршено во 2026 година, а не во 2025 година, како што беше претходно планирано.
НАСА соопшти дека астронаутите ќе мора да почекаат до следната година пред да полетаат кон Месечината и уште неколку години пред да слетаат на неа, пренесе новинската агенција „Асошиејтед прес“.
НАСА планираше да испрати четворица астронаути околу Месечината подоцна оваа година, но летот беше одложен за септември 2025 година поради технички проблеми.
Соопштението е објавено кратко откако „Астроботик техонолоџи“ се откажа од обидот да го спушти своето вселенско летало на Месечината поради истекување гориво.
In order to safely carry out our upcoming #Artemis missions to the Moon with astronauts, we are now targeting September 2025 for Artemis II and September 2026 for Artemis III.
Safety is our top priority. https://t.co/AjNjLo4U6E pic.twitter.com/VE74OtlUr6
— NASA (@NASA) January 9, 2024