Сините зони се подрачја кои имаат најголема концентрација на луѓе кои живеат до 100 или повеќе години. Во Сините зони спаѓаат: Окинава (Јапонија), Сардинија (Италија), Лома Линда (Калифорнија), Икарија (Грција) и Никоја (Коста Рика).

Истражувањето објавено во стручното списание „Американски весник за медицина на животниот стил“ (American Journal of Lifestyle Medicine) покажа дека повеќето жители на Окинава го следат правилото 80/20. Тоа значи дека тие секој оброк го јадат додека не се заситат 80 отсто. На тој начин го спречуваат прејадувањето, кое доведува до дебелеење и болести. Со други зборови, тие ја гледаат храната како превентивен лек.

Со помош на правилото 80/20, тие на својот желудник му „даваат време“ на мозокот да му „соопшти“ дека е полн.

Во споменатото стручно списание, исто така, е наведено дека преостанатите 20 отсто може многу да бидат значајни за слабеењето или дебелеењето.

– Со оглед на тоа што се потребни околу 20 минути по оброкот за да почувствувате дека сте сити, практикувањето на правилото 80/20 му овозможува на мозокот да го ‘стигне желудникот’ – рекла нутриционистката Лорен Манакер за списанието „Јади го ова, не тоа“ (Eat This, Not That).

– Овој начин на исхрана не значи дека ви е забрането да уживате во консумирањето на вашата омилена храна. Целта е едноставно да обрнете повеќе внимание на вашите навики во исхраната и да препознаете дали јадете нешто затоа што сте навистина гладни или сте навикнале непотребно да се прејадувате  – додала таа.