Надзорниот одбор на Фејсбук во среда одлучува за профилот на Трамп
Надзорниот одбор на Фејсбук објави на Твитер дека конечната одлука ќе ја објави 5 мај за суспендирање на профилот на поранешниот американски претседател Доналд Трамп на социјалните мрежи.
Компанијата го блокираше пристапот на Трамп до профилите на Фејсбук и Инстаграм, бидејќи беа загрижени за можни нови немири, откако неговите поддржувачи го нападнаа Капитол на 6 јануари, поради што случајот подоцна беше предаден на Надзорниот одбор за понатамошно донесување одлуки, пренесува Ројтерс.
Комисијата, која ја формираше Фејсбук, како одговор на критиките за справување со проблематична содржина, во средината на април соопшти дека го продолжила периодот за јавни коментари за случајот, додавајќи дека биле евидентирани над 9.000 одговори од јавноста, што е рекорден број досега.