Надал: Моето тело и личната ситуација не ми дозволуваат да се борам за поголеми цели
Рафаел Надал вели дека се бореше до крајот на Мастерсот во Торино и дека последните два месеци биле многу лоши на психички, но не и на тениски план.
Повеќекратниот грен слем шампион загуби претходно денеска од Канаѓанецот Феликс Оже-Алијасим, а претходно на почетокот на турнирот беше поразен и од Тејлор Фриц од САД.
– Моето тело, годината која беше зад мене и мојата лична ситуација не ми дозволуваат во овој момент да се борам за поголеми цели. Тажен сум, разочаран, но од утре почнуваат подготовките за 2023 година – рече Надал.
ВИДЕО: Надал претрпе нов пораз на мастерс турнирот во Торино
Шпанскиот тенисер истакна дека му било тешко во претходните шест месеци.
– Кога ќе се погледне сето тоа, позитивно е што воопшто сум тука. Тоа е најважното. И кога велам, денес, мислам на последните неколку недели на теренот и она што ми се случи, тоа не е големо изненадување. Успеав да одиграм два турнири во последните три недели. Тоа не можев да го направам некое време. Не заборавив да играм тенис, како да бидам психички силен. Тоа е неопходно за сите тие позитивни страни да се опорават, да проработи таа силна психа и менталитет, да бидам на посакуваното ниво. Не знам дали повторно ќе го достигнам, но она што не се сомневам е дека ќе умрам доколку треба за тоа – вели Надал.
Надал во четврток од 15.00 часот го очекува третиот меч од „Зелената група“ во Торино против Каспер Руд од Норвешка.