Над 20 индиски војници исчезнале во поплавите на Хималаите
Најмалку 23 војници се водат како исчезнати по силните поплави што ја зафатија долината на Хималаите во североисточна Индија, соопшти индиската армија. Овој далечен планински венец на Хималаите се наоѓа во близина на границата на Индија со Непал. Езерото Лонак се наоѓа во подножјето на глечерот во близина на Кангченџунга, третиот највисок врв во светот.
Поради возводната брана која претходно испуштала вода, нивото на реката Тиста било за 4,5 метри повисоко од нормалното. На видеото објавено од воен портпарол се гледа како насилниот кафеав порој се влевал во шумската долина, преминал патишта и носел далноводи на својот пат.
Поплавите и свлечиштата се релативно чести во Индија и предизвикуваат голема штета, особено за време на сезоната на монсуните која трае од јуни до септември. Но, до октомври, поголемиот дел од монсуните обично завршуваат. Експертите велат дека климатските промени ги прават овие катастрофи почести и поголеми.
Топењето на глечерите, исто така, го зголемува нивото на реките, а нерегулираната градба во областите подложни на поплави создава дополнителна штета. Хималајските глечери се топат побрзо од кога било поради климатските промени, изложувајќи ги жителите на непредвидливи катастрофи.
Глечерите се стопиле за 65 проценти побрзо меѓу 2011 и 2020 година во споредба со претходната деценија, се вели во извештајот објавен во јуни од Меѓународниот центар за интегриран планински развој. Глечерите, според проценките, би можеле да изгубат и до 80 отсто од сегашниот волумен до крајот на векот.