133.000 потписи има народната иницијатива „Заштита на швајцарската неутралност (иницијатива за неутралност)“, соопшти Организацијата „За Швајцарија“. Со ова се бара трајна и воена неутралност, која би станала составен дел на швајцарскиот Устав. На овој начин, Швајцарија би се обврзала да не членува во ниту еден воен или одбранбен сојуз но соработката со такви организации би била дозволена доколку земјата биде директно нападната и да не поддржува санкции поинакви од оние договорени во ОН.

Организацијата соопшти дека иницијативата добила неочекувано високо ниво на поддршка, што е показател дека неутралноста мора да остане во фокусот на надворешната, домашната и безбедносната политика на Швајцарија.

Санкциите наметнати од Европска Унија, како оние против Русија по нејзиниот напад врз Украина, повеќе нема да се применуваат од Швајцарија доколку гласачите ги прифатат иницијативите, но земјата сепак ќе биде обврзана да обезбеди санкциите наметнати од други земји да не можат да се заобиколат.

Иницијативата, исто така, ќе ја обврзе Швајцарија да понуди „добри услуги“ и да ја искористи својата неутралност за да спречи конфликт и да биде достапна како посредник во преговорите