Млад крадец однел ранец од автомобил на паркингот на УКИМ, полицијата веднаш го фатила
22-годишен крадец бил фатен вчера во близина на комплексот на универзитетот „Свети Кирил и Методиј“, откако непосредно пред тоа украл ранец од паркиран автомобил, соопшти МВР.
„На 27.04.2023 околу 12.30 часот на ул.„Петре Георгиев“ во Скопје, полициски службеници го лишиле од слобода И.Б.(22) од Скопје. Тој се сомничи дека непосредно пред тоа на паркинг во кругот на универзитет „Св.Кирил и Методиј“ на бул.„Гоце Делчев“ од патничко возило „рено“ со скопски регистарски ознаки, сопственост на А.Т.(19) од Скопје, одзел ранец со лични предмети. Лицето било задржано во полициска станица и во службен разговор го признал делото. Одземеното било пронајдено и вратено на сопственикот“, пишува во полицискиот билтен.
По целосното документирање на случајот, во координација со јавен обвинител, против осомничениот ќе биде поднесена соодветна пријава.