Митревски: Тактички добро сме подготвени за Светското првенство
Македонската машка сениорска ракометна репрезентација се подготвува за настапот на Светското првенство кое ќе се одржи од 11 до 29 јануари 2023 година во Полска и Шведска.
Ракометарите предводени од селекторот Кирил Лазаров ќе играат во групата „Ф“ во полскиот Краков со Норвешка, Холандија и Аргентина.
Македонскиот репрезентативен голман, капитен и член на португалскиот клуб Порто, Никола Митревски вели дека тимот одработи одлични подготовки за претстојниот Мундијал.
– На СП никого нема да прецениме, никого нема да потцениме. Мислам дека имаме самодоверба, знаеме што сакаме, тактички добро сме подготвени, физички исто така верувам дека сме подготвени. Желбата кај сите е да се претставиме во што подобро светло, да се носиме со големите репрезентации. Да го дадеме последниот атом од силите на секој натпревар за да победиме и да обезбедиме пласман во следната фаза – се зборовите на голманот на нашата селекција, Никола Митревски.
Првиот натпревар на СП Македонија ќе го има на 13 јануари со почеток од 20.30 часот против фаворитот во групата, Норвешка.
Распоредот на мечевите од прелиминарната фаза на Светското ракометно првенство во Полска и Шведска