Претседателот на Европскиот Совет, Шарл Мишел, денеска е во посета на Украина каде ја пренел „недвосмислената поддршка на ЕУ за суверенитетот и интегритетот“ на земјата, соопшти Мишел преку неговиот профил на Твитер.

Претседателот на Европскиот Совет овие денови ги посетува земјите од источното соседство на ЕУ. По посетата на Грузија, денеска тој е во Украина каде се сретна со претседателот Владимир Зеленски.

Мишел на Твитер побара целосна имплементација на спогодбите од Минск кој треба да го гарантираат мирот во земјата и порача дека санкциите на ЕУ против Русија нема да се повлечат сѐ додека ова не се случи.

Шефот на Европскиот Совет, исто така, нагласи дека треба граничните премини околу контактната линија да останат отворени за да може да се достави потребната хуманитарна помош на граѓаните.

– Срамната реалност е дека луѓето продолжуваат да умираат тука и да се соочуваат со ужасните последици од конфликтот, напиша Шарл Мишел.

On my first visit to east Ukraine with President @ZelenskyyUa I expressed unequivocal EU support for the country’s sovereignty and territorial integrity.

The shameful reality is that people continue to die here and face dire consequences of the conflict. (Thread) pic.twitter.com/DlqZk66Gyn

— Charles Michel (@eucopresident) March 2, 2021