Масовна вакцинација: Макрон предупреди, Французите послушаа
Над милион луѓе во Франција закажаа вакцинација против ковид за помалку од еден ден од предупредувањето од претседателот Емануел Макрон дека невакцинирани нема да можат да влегуваат во трговски центри, ресторани или да патуваат без здравствена потврда, пренесува Бета.
Поради новиот пораст на заразени, Макрон вчера во обраќање до нацијата најави дека ќе бидат потребни спрецијални антиковид пропусници за секојдневни работи, како што е пазарење, патување со авион или воз и слично, а ова ги загрижи и Французите и туристите кои сега се во посета на земјата.
Апликацијата „Доктолив“ која ги централизира закажувањата за вакцинација и други лекарски прегледи во Франција, денес јави дека 1,3 милиони луѓе се пријавиле за вакцинација по обраќањето на Макрон.
Најголем број од новозакажаните за вакцинација се млади луѓе на возраст под 35 години.
Ковид пропусницата ќе биде задолжителна од 1 август во сите ресторани, а за да се добие мора да се има доказ за примени вакцини или неодамна прележан ковид или негативен ПЦР тест не постар од 48 часа.
Во Русија за еден ден најмногу починати од ковид досега – дури 780