Како што информираат српските медиуми, 25-годишниот Марко Срдановиќ кој настапува на позицијата лево крило договори соработка со поранешниот двократен шампион на Европа, Вардар 1961, со опција за продолжување на уште една година.

Ги брани боите на РК Металопластика, а претходно настапуваше и за екипата на Леотар.

Оваа сезона одигра 25 натпревари и постигна 88 голови, а најефикасен беше во дербито против Војводина кога деветпати се запиша во листата на стрелците.

Моментно на позицијата лево крило тренерот на Вардар 1961 Владо Недановски ги има на располагање Дејан Манасков, Полјакот Јан Чувара и Марио Стојановски.

За скопските „црвено-црни“ игра уште еден Србин, десното крило Дарко Ѓукиќ кој поголемиот дел од сезоната го пропушти поради операцијата на коленото.