Денеска најдобрата македонска репрезентација загуби на реванш натпреварот во Букурешт против Романија (24:22) во рамките од првиот дел од квалификациите за пласман на Светското првенство во 2023 година.

Но, и покрај тоа што загубија играчите на селекторот Кирил Лазаров, благодарение на победата од осум голови разлика пред два дена во Скопје (30:22), обезбедија пласман во вториот бараж каде што е Чешка која е последна пречка на патот кон Мундијалот.

Во текот на првото полувреме нашите ракометари воглавно го контролираа резултатот, трипати имавме три голови разлика (2:5, 7:10, 8:11), но на пауза се замина со нерешени 12:12.

Не се покажавме во најдобро светло на овој меч, со доста грешки во нападот, иако и Романците не може да се пофалат во тој сегмент, но на крајот дојдоа барем до утешна победа.

Последен пат водевме на стартот од вториот дел со 13:14, а потоа Романците беа тие кои одржуваа предност, највисоката достигнуваше до „плус три“ (19:16, 20:17).

Најефикасен во нашите редови беше селекторот Лазаров со шест голови, три разпиша Кузмановски, а на спротивната страна шест погодоци веа дело на Хумет Гаминде.