Македонските кошаркарки стартуваа со победа на У20 Европското првенство
На премиерниот меч на Европското првенство (Дивизија „Б“) во Скопје, одлична игра и победа на македонската женска селекција „Под 20“ години.
Во првото коло од групата „Ц“ нашите кошаркарки триумфираа над Косово со резултат 83:69.
Матеа Николиќ беше прво име во македонската репрезентација со 26 поени, имаше и девет скока. Значаен придонес запиша и Секуловска која реализираше 19 поени, потоа Селцова која уфрли 17, а Тасевска 14 поени.
Во поразениот состав Рахмани имаше 22 поени, Тухина ја следеше со 15 поени (четири асистенции).
На вториот ден од шампионатот во нашиот главен град, нашата женска селекција „Под 20“ е слободна. На 11 јули (понеделник), исто така од 18.45 часот, во СРЦ „Кале“ Македонија ќе игра против Хрватска.
Денеска се одигра уште еден меч во групата, Романија со 79:54 беше подобра од Хрватска, а слободна беше селекцијата на Црна Гора.