Македонскиот возач Игор Стефановски – Иџе со рекорд и победа на трката во Шпанија
Во рамките од ФИА Европскиот шампионат на ридските патеки Игор Стефановски – Иџе донесе нов голем резултат за нашата земја.
Македонскиот возач оствари победа во Шпанија, а покрај освоениот пехар, на трката постави и нов рекорд.
Во категорија „1“ Стефановски со својот „Хјундаи и30Н ТЦР“ се најде на врвот во групата „3“ пред Шпанецот Алберто Ордоњез Лосада и О’Плеј од Италија. На четвртата позиција се најде Милован Весниќ од Србија, а петтопласиран е Никола Грание од Франција.
Потсетување дека претходно во Австрија нашиот Иџе освои едно прво и едно второ место, додека во Франција го освои првото место на првата трка, но заврши како трет во силната конкуренција во генералниот пласман.
– Македонија е мала земја, но од таму доаѓа најголемиот! -ИЏЕ. Победа и нов рекорд во Шпанија – стои во објавата на Стефановски на Фејсбук.