Македонија во Топ 6 највредни репрезентации кои досега не вкусиле Мундијал
Вчера нашата А репрезентација ги продолжи настапите во квалификациите за Светското првенство 2022 година кое ќе се одржи во Катар.
Моментно на табелата во квалификациската група „Ј“ водат и натаму Ерменците со 10 бодови, пред Германија која има девет, Македонија е третопласирана со седум, Романија има шест, Исланд три, а Лихтенштајн без бодови.
Следните мечеви се веќе за два дена, на 5 септември нашите најдобри фудбалери гостуваат во Рејкјавик кај Исланд (18.00 часот по македонско време), а од 20.45 часот Германија е домаќин на Ерменија, додека Романија ја има фаворитската улога против Лихтенштајн.
Порталот „90min.com“ објави една интересна вест во која се издвоени Топ 6 највредни репрезентации (според податоците на „Трансфермаркт“), а помеѓу нив е и Македонија.
За нашата репрезентација, која котира на петтата позиција и вреди моментно 53,90 милиони евра, се вели дека е препознаена од напаѓачот Горан Пандев, освојувачот на Лигата на шампионите со милански Интер, за првпат играше на Европско првенство годинава и ќе се обиде да го повтори подвигот стигнувајќи до Катар во 2022 година.
Топ 6 највредни репрезентации кои не се квалификувале досега на СП –
1. Буркина Фасо 80 милиони евра
2. Венецуела 74,5 милиони евра
3. Габон 65,7 милиони евра
4. Албанија 65 милиони евра
5. МАКЕДОНИЈА 53,90 милиони евра
6. Мали 52,95 милиони евра
—
