ФОТО: „Сакавме победа, сакавме победа“, на крајот само бод против Ерменија
Македонската фудбалска А репрезентација во својот четврти натпревар од квалификациите за СП 2022 на Националната арена „Тодор Проески“ – Скопје ремизираше 0:0 со селекцијата на Ерменија.
Почетната иницијатива во првите 10 минути ја имаа нашите фудбалери, опасно кружејќи пред ерменскиот гол, првата не толку сериозна шанса ја имаше Елмас колку да го испроба својот удар.
Противникот полека се ослободуваше од притисокот, но и натаму тешко доаѓаа до нашиот голман Димитриевски да го загрозат. Се водеше голема борба во средниот ред кој повеќе да ја има контролата на теренот, во 23 минута Елмас беше фаулиран од десната страна што беше убава можност да се дојде до реализација.
Барди сакаше веднаш скратено да додаде до Алиоски, но овој лошо реагираше во намерата да шутира, па така пропадна можност за водство.
Конечно сериозно се закануваше Македонија, Трајковски шутираше за малку покрај голот, а потоа и Костадинов беше непрецизен во 31 минута.
120 секунди подоцна и Ерменија, една од најголемите ѕвезди во гостинската репрезентација, Мхитарјан со глава за наша среќа безопасно за Димитриевски.
Една загубена топка на нашата половина можеше скапо да ја чини Македонија, во последен момент Муслиу го блокираше Адамјан.
На стартот од второто полувреме тешко доаѓавме до позиција да дојдеме до нова сериозна шанса, а Милевски после еден час игра ја направи првата замена, излезе од игра Трајковски, на негово место минутажа доби Спировски. Во 62 минута конечно повторно се заканивме, Алиоски силно шутираше, но директно во ерменскиот голман Јурченко кој ја отстрани опасноста.
Во тек беше 75 минута немавме решение да склопиме еден сериозен напад, а и самите гледачи на трибините негодуваа поради неснаодливоста на македонските репрезентативци.
И противникот не беше до толку опасен, но се обидуваше да изненади од полуконтри кои навидува лесно ги спречуваше нашата одбрана. Алиоски во последната 90 минута повторно шутираше силно со левата нога, но за наша несреќа само покрај десната статива.
Квалификации за СП 2022
Национална арена „Тодор Проески“ – Скопке
Македонија – Ерменија 0:0
Македонија: Димитриевски, Муслиу, Елмас, Алиоски, Трајковски (Спировски 60`), Барди, Чурлинов, С. Ристовски, Д. Велковски, Јаховиќ (М. Ристовски 81`), Костадинов (Ашковски 83`).