Македонија ќе има пет борачи на Светското првенство во Белград
Во периодот од 10 до 18 септември во Белград (Србија) во „Штарк Арената“ ќе се одржи Светското првенство во борење на кое свои натпреварувачи ќе има и нашата земја.
Македонија на СП ќе ја претставуваат Владимир Егоров во категоријата до 57 килограми, потоа Бесир Алили до 61 кг., Фати Вејсели во категоријата до 70 кг., Дејан Митров (-79 кг.) и Могамедгаџи Нуров (-97 кг.)
Нашите борачи ќе се обидат да се закитат со еден од медалите, а како најголем кандидат за искачување на подиумот е европскиот шампион Егоров, како и освојувач на мундијалската бронза, Нуров.
Најавите се дека на Светското првенство за сениори ќе настапат 2.500 борачи од 75 земји.
Инаку како дел од подготовките за СП Фати Вејсели, Бесир Алили и Ахмед Адеми беа дел од кампот во Крагуевац организиран од УВВ и Боречката федерација на Србија.