Лукашенко: Ние не сме агресори, ќе ја поддржиме Русија на секој начин
Белорусите не се агресори, но на секој можен начин ќе ја поддржиме Русија, изјави денеска претседателот на Белорусија, Александар Лукашенко.
Тој на церемонијата на положување венци на Споменикот на победата по повод 77-годишнината од победата над нацизмот рече дека Белорусите немаат право да не ја поддржуваат Русија, пренесува Белта.
„Отсекогаш сме биле заедно, секогаш сме биле обединети. Нема да можете да не растргнете и разделите“, нагласи Лукашенко.
Тој му порача на Западот дека Белорусите се мирни, но дека никој не смее ниту да се обиде да разговара со Минск од позиција на сила.
Зборувајќи за западните санкции, Лукашенко рече дека тие не се „шеќер“, но дека Белорусија ќе издржи и дека санкциите ќе ја направат уште посилна