Ромелу Лукаку би можел да ја продолжи кариерата во Рома, откако извршниот директор на Рома, Лина Силуку, пристигна во Лондон на разговори со претставниците на Челси. Секако, тема е можниот трансфер на белгискиот напаѓач.

Лукаку (30) се врати во Челси во 2021 година, а минатата сезона ја мина на позајмица во Интер.

По завршувањето на минатата сезона тој се врати во лондонскиот клуб, но менаџерот на „Сините“ Маурисио Покетино и натаму не смета на белгискиот фудбалер.

Лукаку наводно беше на прагот да се пресели во Јувентус (во трансферот беше вклучен и Душан Влаховиќ), но претставниците на двата клуба не успеаја да се договорат за условите за трансферот.

Покрај тоа, навивачите на „Старата дама“ од Торино јасно ставија до знаење дека се против доаѓањето на Белгиецот.