ППД Загреб не успеа да триумфира во Данска, не освои ниту еден бод, па така хрватскиот шампион го заврши настапот во ЕХФ Лигата на шампионите во групната фаза.

Алборг славеше на домашен терен со 31:25, а оваа победа ги израдува играчите на Елверум кои во Скопје му гостуваат на Вардар 1961, па така овој меч во СЦ „Јане Сандански“ нема да има никакво резултатско значење.

Кај домаќините шведскиот интернационалец Клаар имаше шест погодоци, а на спротивната страна Чупиќ постигна 11 голови.

Без разлика како ќе заврши дуелот во Скопје, вака изгледа пласманот на сите екипи во групата „А“: Алборг 22 бодови, Кил 21, Пик Сегед 18, Монпелје 16, Вардар 11, Елверум 8, ППД Загреб 8, Мешков Брест 4.

Алборг (заедно со Кил) директно се пласираше во четвртфиналето, а таму ќе го чека подобриот од осминафиналната пресметка помеѓу Вардар 1961 и Веспрем.