Денеска од 21.00 часот ќе се играат првите натпревари од осминафиналето во Лигата на шампионите: Интер – Порто и Лајпциг – Манчестер сити.

Натпреварот во Италија е дуел на два поранешни европски шампиони, тоа ќе биде прв меч на двата тима по 18 години, а улогата на фаворит му припаѓа на Интер, пред се затоа што сè игра на „Џузепе Меаца“ во Милано.

Хоакин Кореа нема да игра за Интер поради повреда на бутот, додека на другата страна Габриел Верон ќе го пропушти натпреварот поради проблем со скочниот зглоб.

Predict 2 players to dominate on Wednesday… ⚡️#UCL pic.twitter.com/gzFM3SzT25

— UEFA Champions League (@ChampionsLeague) February 22, 2023

Во вториот вечерен натпревар Лајпциг ќе го пречека Манчестер сити. Тоа ќе биде дуел на две екипи во идентична форма, а пред средбата во Германија имаат по три победи, реми и пораз на последните пет средби.

Менаџерот на „граѓаните“, Пеп Гвардиола нема да може да смета на Лапорт, Стоунс и Де Брујнe. Олмо нема да биде на другата страна, а под знак прашалник е и настапот на Нкунку.

Двата тима веќе еднаш играа во Лигата на шампионите. Пред две години беа во иста група и двете екипи забележаа по една победа.

ВИДЕО | „Петарда“ во голот на Алисон, Реал го потопи Ливерпул среде „Енфилд“