Со денешните натпревари во групите Е, Ф, Г и Х, ќе заврши групната фаза во фудбалската Лига на шампионите. Дознавме 14 екипи кои ќе патуваат во нокаут-фазата, тие се Наполи, Ливерпул, Порто, Клуб Бриж, Баерн Минхен, Интер, Тотенхем, Ајнтрахт Франкфурт, Челси, Реал Мадрид, Манчестер сити, Борусија Дортмунд, ПСЖ и Бенфика.

Последните две екипи во осминафиналето треба да дојдат од групите Е и Ф. Во групата Е во директен дуел за второто место ќе играат Милан и Салцбург.

Челси е сигурно прв, Динамо Загреб на македонските репрезентативци Аријан Адеми и Стефан Ристовски се надева на чудо, односно триумф над лондонските „сини“ и пораз на Салцбург од Милан, за да ја освои третата позиција која значи продолжување во Лига Европа. Нема да биде доволна евентуалната победа на „модрите“ во Лондон, доколку ремизираат Милан и Салцбург на „Сан Сиро“.

Во групата „Ф“, екипата на Шахтјор Доњецк нема друг избор освен да оди на победа против директниот конкурент за второто место, Лајпциг.

ВИДЕО | Драма на „Велодром“: Тотенхем постигна гол во 95-та и го „извади“ Спортинг

Сè е познато во групата „Г“ Манчестер сити и Борусија Дортмунд ќе играат во нокаут-фазата, во Лига Европа оди Севиља, а елиминиран е данскиот Копенхаген. А во групата „Х“ ПСЖ и Бенфика продолжуваат понатаму во ЛШ, додека Јувентус и Макаби Хаифа кои имаат ист број на бодови ќе се борат за третото место кое во ЛЕ.

Лига на шампиони 2022/2023

Последно, 6. коло, двојки –

Група „Е“

21.00 часот Милан – Салцбург
21.00 часот Челси – Динамо Загреб

Табела: Челси 10 бодови, Милан 7, Салцбург 6, Динамо Загреб 4.

Група „Ф“

18.45 часот Реал Мадрид – Селтик
18.45 часот Шахтјор Доњецк – Лајпциг

Табела: Реал Мадрид 10 бодови, Лајпциг 9, Шахтјор Доњецк 6, Селтик 2.

Група „Г“

21.00 часот Копенхаген – Борусија Дортмунд
21.00 часот Манчестер сити – Севиља

Табела: Манчестер сити 11 бодови, Борусија Дортмунд 8, Севиља 5, Копанхаген 2.

Група „Х“

21.00 часот Јувентус – ПСЖ
21.00 часот Макаби Хаифа – Бенфика

Табела: ПСЖ 11 бодови, Бенфика 11, Јувентус 3, Макаби Хаифа 3.