Ливерпул не попушта, падна и Тотенхем
Европскиот шампион доминираше во репризата на финалето од Лигата на шампионите, имаше дури 70 проценти посед на топката и 13 шутеви во рамките на голот во однос на противникот кој упати само еден, но до победата дојде со пресврт во второто полувреме.
Хари Кејн уште во 48 секунда ги шокира домашните навивачи носејќи му водство на Тотенхем, додека победата на „црвените“ му ја донесоа Џордан Хендерсон со голот во 52. Минута и Мохамед Салах кој во 72. минута беше прецизен од пенал.
Со победата во дербито, Ливерпул се врати на победничките патеки откако во минатото коло ремизира на гостувањето кај Манчестер јунајтед, а притоа ја задржа и предноста на табелата од шест бодови пред Манчестер сити.
Важна победа со која најавуваат подобри денови оствари и Манчестер јунајтед кој со 3:1 го совлада Норич и тоа како гостин.
Головите на Јунајтед беа дело на Скот Мектомини, Маркус Рашфорд и Антони Марсијал додека Ернандес го постигна голот за домашниот тим. Победата на Јунајтед можеше да биде поубедлива доколку Марсијал и Рашфорд ги погодеа шутевите од пенал.
Арсенал од готово направи вересија. „Топчиите“ по само 10 минути игра имаа водство од 2:0 против Кристал Палас со головите на Папастатопулос и Давид Луиз. Но упорните гостински фудбалери успеаја да дојдат до израмнување благодарение на Лука Миливојевиќ и Џордан Ају.