Познатите фудбалери Лионел Меси (36) и Кристијано Роналдо (39) во текот на нивните кариери се натпреваруваа за тоа кој постигнал повеќе голови. Додека настапуваа во Европа беа во постојана трка да видат кој е најдобар стрелец на Стариот континент, но ниту еден од нив не е на првото место на листата на најуспешни голгетери на петте најдобри европски лиги, англиската, шпанската, италијанската, германската и француската.

На третото место е португалскиот фудбалер на Ал-Наср од Саудиска Арабија, Роналдо. Тој постигна 350 голови на 406 натпревари во изминатата деценија додека играше за Реал Мадрид, Манчестер јунајтед и Јувентус. Од друга страна, напаѓачот на Интер Мајами од САД, Аргентинецот Меси, кој е втор на листата, може да се пофали со 377 голови на 458 натпревари додека настапуваше за Барселона и ПСЖ.

Убедливото прво место на табелата му припаѓа на Роберт Левандовски. Полскиот напаѓач, кој моментно игра за Барселона, во текот на својата кариера беше „машина за голови“. За тоа сведочи и фактот што пет последователни години ја освојуваше титулата најдобар стрелец во лигата додека играше за Баерн Минхен.

Исклучителен успех постигна во сезоната 2020/21, кога постигна неверојатни 41 гол, само во Бундеслигата.

Сè на сè, по преселбата од Дортмунд во Баерн во 2014 година, Левандовски постигна 344 гола, додека сметајќи ги Борусија и Барселона, во последните 10 години постигна 407 гола на 478 натпревари.

Најдобри стрелци во Топ 5 европските лиги –

1. Роберт Левандовски 478 натпревари/407 голови
2. Лионел Меси 458/377
3. Кристијано Роналдо 406/350
4. Хари Кејн 453/309
5. Килијан Мбапе 352/271

6. Карим Бензема 442/257
7. Пјер-Емерик Обамејанг 430/256
8. Мохамед Салах 461/250
9. Луис Суарез 388/241
10.Чиро Имобиле 409/239